नगरकोट हत्याकाण्ड रहस्यमय रहेको दावी

काठमाडौं १५ डिसेम्बर । भक्तपुरस्थित नगरकोटको कालिदेवी मन्दिरमा आयोजित जात्रामा सहभागि स्थानीयबासीमाथि सैनिकका एक जवानले अन्धाधुन्ध गोली प्रहार गर्दा पन्ध्र र्सवसाधारण र हत्याकाण्डका नायक स्वयमको ज्यान गएको छ भने त्यसलाई स्वतन्त्र समाचार सेवाले रहस्यमय हत्याकाण्डको संज्ञा दिएको छ ।
सो हत्याकाण्डपछि सो समाचार सेवाले गरेको रिपोटिङ्गमा नगरकोटमा रहेको शिक्षालयमा कार्यरत सैनिक जवान बाशुदेव थापाले मेलामा अन्धाधुन्ध गोली प्रहार गर्दा घटनास्थलम ११ जना र उपचारको क्रममा चार र्सवसाधारण र थापा स्वयमको मृत्यु भएको हो भनेको छ ।
हत्याकाण्डमा परी १९ जना स्थानियवासी गम्भिर घाइते भएका छन् भने हत्याकाण्डका मुख्य दोषि भनिएका थापाको रहस्यमय मृत्यु भएको छ । मृत्यु हुनेमा पाँच वर्षा बालक दिपक तामाङ्ग र ११ वर्षा धमाइ लामा समेत ४० वर्षा भगवान तामाङ्ख, आइते तामाङ्ग, रामलाल नगरकोटी, ३० वर्षा सुजन श्रेष्ठ, २५ वर्षा का रामप्रसाद पन्थ र निरु तामाङ्ग, २० वर्षा माया तामाङ्ग, काले तामाङ्ग र नानु नगरकोटी रहेका छन् । उपचार्रार्थ मृत्यु भएका चार जनाको नाम खुल्न सकेको छैन ।
घटनास्थलको अनुगमनमा सहभागि सिविनका अध्यक्ष गौरी प्रधानका अनुसार मृतकहरुको छाती र टाउकोमा गोली प्रहार गरिएको छ । मेलामा सहभागि स्थानीयबासीको भनाई उद्धृत गर्दै प्रधानले मृतक सैनिक थापाका साथै सादा पोशाकमा १० जना भन्दा बढी सेनाका जवान आएर गोलि प्रहार गरिएको बताए ।
घटनास्थल पर्ूण्ात रगताम्य रहे पनि सेनाका जवानहरुले नै माटो बालुवाले रगत छोप्ने काम गरेका थिए । घटनास्थलमा खसेका सयौं संख्याका गोलीका खोकाहरु सेनाका जवानहरुलेनै लगेको स्थानीयवासीलाई उद्धृत गर्दै प्रधानले जानकारी दिए ।
स्थलगत भ्रमणको क्रममा एउटा गोलीको खोका भने फेला परेको छ । सो गोलीको नम्बर बुलेट ७.७२ एमएफएस ९२१ रहेको छ । मेलामा सहभागि स्थानीय महिलालाई थापालेे अभ्रद ब्यबहार गरेपछि बुधवार बेलुका १० बजेको समयमा स्थानीय युवाहरु र थापाबीच सामान्य मुड््भेड भएको थियो । सो मुढभेड भएको आधा घण्टाम हतियारसहित आएका अन्य सेनाका जवानहरुले हाम्रो साथीहरुलाइ पिट्ने को हो भन्दै अन्धाधुन्ध गोली प्रहार गरेका थिए ।
घटनासंगै सो काण्डमा मुछिएका जवानको मृत्युले सो काण्ड अझै रहस्यमय बनेको छ । सेनाले आमनरंसंहार पछि थापाले गोली हानेर आत्महत्या गरेको बताए पनि उनको पनि हत्या भएको हुनसक्ने अनुगमन समितिका अर्का सदस्य सुवोध प्याकुरेलले बताए । स्थानीयवासीले दिएको जानकारी अनुसार, थापालाइ एक अग्ला कदका ब्यक्तिले पेस्तोलबाट गोली प्रहार गरेका थिए । लासको प्रकृति हर्ेदा थापाको छातीमा गोली लागेको देखिएको प्याकुरेलले बताए ।
बुधबार बेलुका ११ः ३० मा घट्ना भएपनि सेनाले बिहीबार बिहान मात्र मृतकको लास ओसार्ने तथा घटनास्थल आफ्नो कब्जामा लिने काम गरेको थियो । अनुगमन समितिका अनुसार, सेनाले लास ओर्सार्न गाउँलेलाई नै प्रयोग गरेको थियो ।
Rest down

प्याकुरेलले घटनाको प्रारम्भिक अनुसन्धानबाट सेनाको हतियार ब्यवस्थापनको लापरवाहीबाट सो हत्याकाण्ड भएको देखिएको बताए । सामान्य झडपको आधा घण्टापछि हतियारसहित फर्किएर हत्याकाण्ड मच्चिदा पनि सेनाले केही गर्न नसक्नुमा सेनाको लापरवाही रहेको प्रष्ट भएको उनले बताए । प्याकुरेलले घट्नास्थलमै भने राजदरबार हत्याकाण्ड पछि सेना हतियार ब्यवस्थापनमा सचेत हुन्छ की भनेको त समस्या झन् बिकराल रहेछ ।
सेनाले मृतकहरुको लास भक्तपुरको क्यान्सर अस्पतालमा राखेको छ । भने घाइतेहरुको छउनी स्थित विरेन्द्र प्रहरी अस्पताल र महाराजगञ्जको शिक्षण अस्पतालमा उपचार्रार्थ भर्ना गरिएको छ । मृतकका आफन्तलाइ समेत लास दिइएको छैन भने घाइतेहरुसँग मानव अधिकारकर्मीसँग भेट दिईएको छैन ।
भक्तपुर तनावग्रस्त
सेनाले मृतकको लास आफन्तलाई नदिएको विरोधमा स्थानीयवासीले गरेको बिरोधका कारण भक्तपुर क्षेत्र दिनभर तनावग्रस्त रहृयो । हत्या शंकास्पद रहेको र त्यसमा शिक्षालयमा रहेका अन्य सैनिक जवानहरु पनि संलग्न रहेको बताउँदै स्थानीयवासीहरुले सडकमा टायर बालेर यातायात बरुद्ध गरेका थिए । आफन्तको लास लिन अस्पताल पुगेकाहरुलाई प्रहरीले र्दुब्यहार गरेपछि स्थिति तनाव ग्रस्त बनेको थियो ।